Category: ನರಿಗಳಿಗೇಕೆ ಕೋಡಿಲ್ಲ


This slideshow requires JavaScript.

ಬೇಸಿಗೆ ರಜೆಯಲ್ಲಿ ಮಕ್ಕಳಿಗಾಗಿ ಮಕ್ಕಳ ನಾಟಕೋತ್ಸವ –

ರಂಗಶಂಕರದಲ್ಲಿ ನರಿಗಳಿಗೇಕೆ ಕೋಡಿಲ್ಲ ಮತ್ತು ಪಿನೋಕಿಯೋ

Children Plays1

ಸಂಚಾರಿ ಥಿಯೇಟರ್ ಇದೇ ಮೇ 17, 18 ಮತ್ತು 19 ರಂದು ರಂಗಶಂಕರದಲ್ಲಿ ಮಕ್ಕಳ ನಾಟಕೋತ್ಸವವನ್ನು ಆಯೋಜಿಸಿದೆ. ಈ ಉತ್ಸವದಲ್ಲಿ ಕುವೆಂಪು ಅವರ ಸಣ್ಣ ಕಥೆಯನ್ನಾಧರಿಸಿದ “ನರಿಗಳಿಗೇಕೆ ಕೋಡಿಲ್ಲ?” ಎಂಬ ನಾಟಕವನ್ನು ಮೇ 17 ಮತ್ತು 18 ರಂದು ಸಂಜೆ 7.30 ಗಂಟೆಗೆ ಮತ್ತು ‘ಪಿನೋಕಿಯೋ’ ನಾಟಕವನ್ನು ಮೇ 19 ಮದ್ಯಾಹ್ನ 3.30 ಕ್ಕೆ ಮತ್ತು 7.30 ಕ್ಕೆ ಪ್ರದರ್ಶಿಸುತ್ತದೆ.

“ನರಿಗಳಿಗೇಕೆ ಕೋಡಿಲ್ಲ?” :

ಐವತ್ತೆರಡು ವರುಷಗಳ ಹಿಂದೆ “ಮಕ್ಕಳ ಪುಸ್ತಕ” ಎಂಬ ಹೆಸರಿನಲ್ಲಿ ಹೊರಡುತ್ತಿದ್ದ ಮಾಸಪತ್ರಿಕೆಯಲ್ಲಿ ಪ್ರಕಟವಾದ ಕುವೆಂಪು ಅವರ ಕತೆ ಇದು. ಎಲ್ಲ ಜೀವರಾಶಿಯನ್ನು ತನ್ನ ತೆಕ್ಕೆಯಲ್ಲಿಟ್ಟುಕೊಂಡು ಲಾಲಿಸುವ, ಸಮತೋಲನದಿಂದ ಕಾಪಾಡುವ ಪ್ರಕೃತಿಯೊಳಗೆ ಕಾರುಣ್ಯ ಮತ್ತು ಕಾಠಿಣ್ಯ ಎರಡೂ ಜೊತೆ ಜೊತೆಯಲ್ಲಿಯೇ ಇರುವುದನ್ನು ಹೇಳುತ್ತಲೇ ಕುತಂತ್ರ ಮತ್ತು ಅಹಂಕಾರ ಮಾತ್ರ ಸಲ್ಲದೆಂಬ ಸಣ್ಣ ಸೂಚನೆಯನ್ನು ಈ ಕಥೆ ನೀಡುತ್ತದೆ. ಕೊಲ್ಲುವುದಕ್ಕಿಂತಲೂ ಕಾಯುವುದು ಮುಖ್ಯವೆಂಬುದನ್ನು ಮತ್ತು ನಮ್ಮ ಮೇಲೆ ಸವಾರಿ ಮಾಡುವ ಅಹಂಕಾರವನ್ನು ಮುರಿದು ಎಸೆಯಬೇಕಾಗಿರುವ ಅಗತ್ಯವನ್ನು ಗುಬ್ಬ, ಗುಬ್ಬಿ, ಹುಲಿ ಕರಡಿ, ನರಿ ಮತ್ತು ಗೂಬೆ ಮೂಲಕ ಮನದಟ್ಟು ಮಾಡಿಸುತ್ತಾರೆ.ಈ ಕಥೆಯನ್ನು ಶಾಂತಾ ನಾಗರಾಜ್ ಮತ್ತು ಮಂಗಳಾ.ಎನ್ ರಂಗರೂಪವಾಗಿಸಿದ್ದಾರೆ.ಶಶಿಧರ ಅದಪ ಅವರ ರಂಗವಿನ್ಯಾಸವಿದೆ. ಗಜಾನನ.ಟಿ.ನಾಯ್ಕ ಅವರ ಸಂಗೀತ ನಿರ್ದೇಶನವಿದ್ದು ಎನ್.ಮಂಗಳಾ ಅವರ ನಿರ್ದೇಶನವಿದೆ.

‘ಪಿನೋಕಿಯೋ’:

ಮೂಲ ಕಾರ್ಲೋ ಕಲಾಡಿ ಅವರ ಪಿನೋಕಿಯೋ ಕತೆಯನ್ನು ಪ್ರಹ್ಲಾದರಾವ್ ಅವರು ಕನ್ನಡಕ್ಕೆ ತಂದಿದ್ದಾರೆ. ಅದನ್ನು ಸಂಕ್ಷಿಪ್ತಗೊಳಿಸಿ, ರಂಗರೂಪವಾಗಿಸಿ,ಇವತ್ತಿನ ಮಕ್ಕಳ ಜೊತೆ ಮುಖಾಮುಖಿಯಾಗಿಸುವ ಪ್ರಯತ್ನವನ್ನು ಪಿನೋಕಿಯೋ ನಾಟಕದಲ್ಲಿ ಮಾಡಲಾಗಿದೆ. ಇದರ ರಂಗರೂಪವನ್ನು ಎನ್.ಮಂಗಳಾ ಅವರು ಮಾಡಿದ್ದಾರೆ. ಕಿರಣ್ ಅವರ ರಂಗವಿನ್ಯಾಸವಿದೆ. ಗಜಾನನ.ಟಿ.ನಾಯ್ಕ ಅವರು ಸಂಗೀತ ನಿರ್ದೇಶನ ಮಾಡಿದ್ದಾರೆ. ಈ ನಾಟಕವನ್ನು ಸಂಚಾರಿ ಥಿಯೇಟರ್ ಕಲಾವಿದರಾದ ಬಿ.ವಿಜಯ್ ನಿರ್ದೇಶನ ಮಾಡಿದ್ದಾರೆ. ಈ ಮೂಲಕ ಸಂಚಾರಿ ಥಿಯೇಟರ್ ಹೊಸ ನಿರ್ದೇಶಕನೊಬ್ಬನನ್ನು ಪರಿಚಯಿಸುತ್ತಿದೆ.

NSD- Malebillu'13

'ನರಿಗಳಿಗೇಕೆ ಕೋಡಿಲ್ಲ?'

G N Ashok Vardhanನರಿಗಳಿಗೇಕೆ ಕೋಡಿಲ್ಲ – ಕುವೆಂಪು ಬರೆದ ಮಕ್ಕಳ ನಾಟಕ. ರಂಗ ಪ್ರಯೋಗದ ಭವ್ಯ ಕಲ್ಪನೆಯೇನೂ ಇಲ್ಲದ, ಇಟ್ಟೂ ಕೊಳ್ಳದ, ಕೇವಲ ಕಾವ್ಯ ಸಂತೋಷಕ್ಕೇ ತಾನು ನಾಟಕವನ್ನು ಬರೆದೆನೆಂದು ಹೆಮ್ಮೆಯಿಂದಲೇ (ಕ್ಷಮಾಪೂರ್ವಕವಾಗಿ ಅಲ್ಲ) ಹೇಳಿಕೊಂಡ ಕುವೆಂಪು ಕೃತಿಯನ್ನು ತುಂಬ ಸಮರ್ಥವಾಗಿಯೇ ಪ್ರದರ್ಶನಕ್ಕಳವಡಿಸಿದ್ದರು ನಿರ್ದೇಶಕಿ ಎನ್. ಮಂಗಳಾ. ಮನುಷ್ಯರ ಹಂಗೇ ಇಲ್ಲದ ಈ ನಾಟಕದಲ್ಲಿ ವನ್ಯ ಜೀವವೈವಿಧ್ಯವಷ್ಟೂ – ಮುಗ್ಧ ಗುಬ್ಬಿದಂಪತಿ, ಉದಾತ್ತಹುಲಿ, ಬೋಳೇಕರಡಿ, ತಂತ್ರಗಾರನರಿ, ಬುದ್ಧಿಜೀವಿಗೂಬೆಗಳೆಲ್ಲ ಸದಸ್ಯರಾಗಿರುವುದೇ ಪ್ರಾಥಮಿಕ ಕುತೂಹಲಕಾರೀ ಅಂಶ. ಅವು ತಮ್ಮ ಪ್ರಾಕೃತಿಕ ವೈಶಿಷ್ಟ್ಯಗಳೊಡನೆ ಮನುಷ್ಯ ಸಮಾಜದ ಗುಣದೋಷಗಳನ್ನೂ (ಆತಿಥ್ಯ, ಶಿಶುಪ್ರೀತಿ, ಸತ್ಯನಿಷ್ಠೆ, ವಿಶ್ವಾಸದ್ರೋಹ ಎಲ್ಲಕ್ಕೂ ಮುಖ್ಯವಾಗಿ ಗುಬ್ಬಕ್ಕ ಬೆಳಿಗ್ಗೆ ನಾಗರಿಕ ಸಮಾಜದ ಭಾಗವಾದ ಹಸುವಿನ ಹಾಲು ಕರೆಯುವುದು ಇತ್ಯಾದಿ) ಪೋಷಿಸುವ ಕ್ರಮದಿಂದ (ವಾಲ್ಟ್ ಡಿಸ್ನಿಯ ನೆನಪು ದಟ್ಟವಾಗಿ ಕಾಡುತ್ತದೆ) ಮಕ್ಕಳಿಗೆ ಬಲು ಪ್ರಿಯವಾದದ್ದರಲ್ಲಿ ಏನೂ ಆಶ್ಚರ್ಯವಿಲ್ಲ. ಹುಲಿ, ಕರಡಿ ಪ್ರೇಕ್ಷಕರ ನಡುವಿನಿಂದ ಭಾರೀ ಧಾಂ ಧೂಂನೊಡನೆ ರಂಗಪ್ರವೇಶಿಸಿದ್ದು (ಯಕ್ಷಗಾನ ಪ್ರೇಕ್ಷಕರಿಗೆ ಇದೇನು ಹೊಸತಲ್ಲ), ಮರಿ ಕಳೆದುಕೊಂಡ ಗುಬ್ಬಕ್ಕನ ಆತಂಕಕ್ಕೆ ಪ್ರೇಕ್ಷಕರೂ ಸ್ಪಂದಿಸಿದಂತೆ ಮಾಡಿದ್ದು, ನವಿಲುಗುಡ್ಡೆಯ ಒಂದೇ ಸೆಟ್ಟಿನೊಡನೆ ಇಡೀ ನಾಟಕ ನಡೆದರೂ ಏಕತಾನತೆ ಕಾಡಲಿಲ್ಲ.

ಕೊನೆಯಲ್ಲಿ ಬೆಂಗಳೂರಿನ ಸಂಚಾರಿ ಥಿಯೇಟ್ರು, ಒಂಟಿಕೊಂಬಿನ ಸುಂದರಾಂಗನಾಗಿದ್ದ ನರಿಯನ್ನು ಬೋಳನಾಗಿಸಿದಾಗ ಚಪ್ಪಾಳೆ ಹೊಡೆದು ಸಂಭ್ರಮಿಸುವುದರಲ್ಲಿ ಪ್ರೇಕ್ಷಕ ಸಮೂಹದ ದೊಡ್ಡವರೂ (ವೈದೇಹಿ ಹೇಳಿದಂತೆ ಮಕ್ಕಳ ಹೃದಯ ಉಳ್ಳವರಾದ್ದಕ್ಕೆ) ಹಿಂದುಳಿಯಲಿಲ್ಲ.

ಕುವೆಂಪು ವೈಚಾರಿಕತೆ ಪ್ರಕೃತಿಯ ಮಹತ್ವಕ್ಕೆ ಹೆಚ್ಚಿನ ಅಡಿಗೀಟು ಬರುವಂತೆ ಸಾಹಿತ್ಯ ನಿರ್ವಹಿಸಿದ್ದು ಮನನೀಯ. ಉದಾಹರಣೆಗೆ – ಮೊಟ್ಟೆ ಮರಿಗಳ ಕೊಡುಗೆಯ ಕಾಲಕ್ಕೆ ಗುಬ್ಬಿ ದಂಪತಿ ಕೋರುವುದು ‘ಸೃಷ್ಟಿಶಕ್ತಿ’ಯ ಹಾರೈಕೆ, ಬಯಸಿದ್ದು ‘ಜೀವನಮ್ಮ’ನ ಅಭಯ. ಆದರೂ ಮರಿಗಳು ಬಂದಕಾಲಕ್ಕೆ ಗುಬ್ಬಣ್ಣನನ್ನು ಹರಕೆ ಸಂದಾಯಿಸಲು ಕಾಶಿಗೆ ಹೊರಡಿಸುವಲ್ಲಿ ‘ಮಂದಿರ ಮಸಜೀದುಗಳನ್ನು ತೊರೆದು ಬನ್ನಿ’ ಎಂದ ಕುವೆಂಪು ಎಡವಿದಂತನ್ನಿಸಿತು. (ಹೋಮರನೂ ತೂಕಡಿಸುತ್ತಾನೆ!) ನಾನು ಬಾಲ್ಯದಲ್ಲಿ ಓದಿದ ಪಂಜೆಯವರ ‘ಅರ್ಗಣೆಮುದ್ದೆ’ ಕತೆಯಲ್ಲಿ ವಿವರಗಳು ಮಾತ್ರ ಸ್ವಲ್ಪ ಬೇರೆ. ಅಲ್ಲಿನ ತಂತ್ರಗಾರ ನರಿಗೆ ಸೋರೆಹಕ್ಕಿ ಜೋಡಿಯ ದೈನಂದಿನ ಆಹಾರ ಸಂಗ್ರಹದ ಓಡಾಟದ ಬಿಡುವೇ ಅವುಗಳ ಮರಿಗಳನ್ನು ನುಂಗಲು ಸಾಕಾಗಿತ್ತು!

ಕೃಪೆ : http://www.athreebook.com/

http://avadhimag.com/

This slideshow requires JavaScript.

 Narigaligeke Kodilla?”
 
[Why don’t foxes have horns?] 
 (Based on a short story by Kuvempu)
 
Director : MANGALA.N

 15 APRIL 2012

Two Shows @ 3.30pm and 7.30 pm 

 RANGA SHANKARA

A story by Kuvempu which had been published in a Monthly called “Makkala Pustaka” fifty years ago.  In the world of nature there are both kindness and ruggedness juxtaposed and nature takes all Life in its arms and fondles it by injecting an equilibrium.  While conveying this idea, the short story also makes a powerful suggestion that crookedness and egotism are both to be shunned.  Through the characters of the male and female sparrows, fox, bear, tiger and the owl, the short story writer highlights the imperativeness for discarding egotism totally and also emphasises  that ‘protecting’ is more important than ‘killing’. 

This short story has been dramatised by Shantha Nagaraj and N. Mangala.  Shashidhara Adapa has designed the Stage, Lights by Aravind kupplikar, the play has music by Gajanana T. Naika,   and directed by N. Mangala.

 

For Details Contact:  934365546

Online Booking- Indian Stage- http://www.indianstage.in/EventDetails.do?eventId=2712

‘ಸಂಚಾರಿ ಥಿಯೇಟರ್’

ಅರ್ಪಿಸುವ

“ಕುವೆಂಪು” ಅವರ ಪುಟಾಣಿ ಕತೆಯೊಂದನ್ನು ಆಧರಿಸಿದ ಮಕ್ಕಳ ನಾಟಕ

“ನರಿಗಳಿಗೇಕೆ ಕೋಡಿಲ್ಲ?”

26 ಜನವರಿ 2012

ಸಂಜೆ  7:30ಕ್ಕೆ

ರಂಗ ಶಂಕರ

  

ಮಲೆಗಳಲ್ಲಿನ ಮದುಮಗಳ ಅಪ್ಪ,

    ಕಾನೂರು ಸುಬ್ಬಮ್ಮ ಹೆಗ್ಗಡತಿಯಪ್ಪ,

    ಕುಪ್ಪಳ್ಳಿಯಾ ಪುಟ್ಟಪ್ಪ!

    ಬರೆದಂತ ಮುದ್ದಾದ ಗುಬ್ಬಿಯಾ ಕತೆ ಇದು..

     ನವಿಲುಕಲ್ಲು ಬೆಟ್ಟದಾ ಮೇಲ್ನಡೆದ ಕತೆ ಇದು.. 


 

ರಂಗಾಯಣದ ವನರಂಗದಲ್ಲಿ ಸಂಚಾರಿ ಥಿಯೇಟರ್ ಅಭಿನಯಿಸಿದ

  ‘ನರಿಗಳಿಗೇಕೆ ಕೋಡಿಲ್ಲ?’ ನಾಟಕಕ್ಕೆ ತುಂಬಿ ತುಳುಕಿದ ಪ್ರೇಕ್ಷಕರು!!

ರಂಗಾಯಣದಲ್ಲಿ ನಡೆದ   “ಬಹುರೂಪಿ ರಾಷ್ಟ್ರೀಯ ನಾಟಕೋತ್ಸವ” ದಲ್ಲಿ   ‘ನರಿಗಳಿಗೇಕೆ ಕೋಡಿಲ್ಲ?’

ನಾಟಕ ಪ್ರಯೋಗಕ್ಕೆ ಸಂಚಾರಿ ಕಲಾವಿದರ ಸಂಭ್ರಮ!

This slideshow requires JavaScript.

“ಸಂಚಾರಿ ಥಿಯೇಟರ್”

“ಬಹುರೂಪಿ” ರಾಷ್ಟ್ರೀಯ ನಾಟಕೋತ್ಸವದಲ್ಲಿ

“ಕುವೆಂಪು” ಅವರ ಪುಟಾಣಿ ಕತೆಯೊಂದನ್ನು ಆಧರಿಸಿದ ಮಕ್ಕಳ ನಾಟಕ

“ನರಿಗಳಿಗೇಕೆ ಕೋಡಿಲ್ಲ?”

ದಿನಾಂಕ :  22 ಜನವರಿ 2012 , ಭಾನುವಾರ

ಸ್ಥಳ : “ವನರಂಗ” (ಮೈಸೂರು-ರಂಗಾಯಣ)

ಸಮಯ : ಸಂಜೆ 7 ಗಂಟೆಗೆ


ಮೈಸೂರಿನ ಗೆಳೆಯರು ದಯವಿಟ್ಟು ನಿಮ್ಮ ಮಕ್ಕಳನ್ನು ಕರೆದುಕೊಂಡು ಬನ್ನಿ…

ಮಕ್ಕಳು ನೋಡಲೇಬೇಕಾದ ಮುದ್ದಾದ ನಾಟಕ ಇದು…!!

This slideshow requires JavaScript.